- رايح فين !
-لا رايح انام
-ليه !
- عشان ورايا شغل بدري
- طيب هو انا لسه نكدت عليك عشان تنام مثلاً
- لا بس انتي سهرانه النهاردة مش هتنامِ بدري
- قصدك أيه بسهران يعني هو بمزاجي … مش عيالك اللي مسهرني معاهم.
- روح نام ياد منك له
- كمان عايز تكبت حرية الأولاد بسبب انك عايز تنام
- أنا أسف… العبوا يا أولاد براحتكم خالص واسهروا كمان براحتكم
- كمان عايز تدي الحرية للأولاد بدون قيود عايزهم يبقوا سايبين مثلا
- خلاص … طيب تعالوا يا أولاد نسمع التلفزيون مع بعض مفيهاش نوم
- انت كمان عايز تسمع الأولاد علي مزاجك ويشوفوا الحاجات الي كلها دم وقتل وقرف انت مش مراعي مشاعر سنهم خالص.
- طيب أيه المطلوب مني عشان … انام بقي
- يعني انت مش قادر تسهر شوية و تاخد أجازة يوم علشان مراتك حبيبتك وكمان زهقت مني بسرعة … ده ناقص تيجي بكرة و تقوم تطلقني … بقى هي دي الوصيه اللي قالهالك أبويا قبل جوازنا ولا كنت بتسمع ترد بحاضر بس عشان تنول غرضك و تتجوزني
- يا ريتني ما كنت أتنيلت من أصله
- كمان بتسمي جوازنا بنيله
- يعني إيه المطلوب من الاخر علشان أنام أنا
- فيه غسيل في الغسالة قوم نشره بس
- وهتسبيني أنام
- أفكر
- لا أنجزي العرض لمدة دقيقة
- خلاص ماشي
بعد ساعه ويكافح من أجل النوم ثم يعود إلى مكانه على السرير
- كفاية نكد بقى وسبيني انام
- النهاردة النكد مش بطال بس مفيش مشكله كفايه كده، يا أولاد كله على سريره بابا عايز ينام وراه شغل بكره ده اللي بيجيلنا الأكل والطلبات الي بناكله
- أفتكرتي الاكل والطلبات دلوقتي … مفتكرتيش ليه من شويه وسبتيني أنام
- خلاص بقا يا حبيبي نام بقى انت الي سهران اهه … يلا يا أولاد علي النوم
- حاضر يا ماما ، تصبح على خير يا بابا
- رد على الأولاد علشان يروحوا يناموا
- حاضر … وانتوا من اهله يا حبايبي … غورو اتخمدوا بقى
انتظروا الحلقة الثانيه من : >>
كيد الزوجات المتأخر قوي
0 Comments
more_vert